ਫਧਿ
ਫਸਿਆ ਹੋਇਆ ਹੈ।
ਵਿਆਕਰਣ: ਸੰਜੁਕਤ ਕਿਰਿਆ, ਭੂਤ ਕਾਲ; ਅਨ ਪੁਰਖ, ਪੁਲਿੰਗ, ਇਕਵਚਨ।
ਵਿਉਤਪਤੀ: ਬ੍ਰਜ - ਫੰਧ/ਫੰਧਾ (ਜਾਲ, ਫਾਹੀ), ਫਧਨਾ (ਜਾਲ ਵਿਚ ਫਸਨਾ); ਬੰਗਾਲੀ - ਫਾਂਧ (ਜਾਲ); ਅਵਧੀ - ਫਾਂਧ (ਜਾਲ, ਫਾਹੀ); ਸਿੰਧੀ - ਫਾਂਧੋ (ਕੁੜਿਕੀ, ਫਾਹੀ); ਸੰਸਕ੍ਰਿਤ - ਬੰਧ (बन्ध - ਜੋੜ, ਰੋਕਣਾ, ਹਿਰਾਸਤ) + ਪੁਰਾਤਨ ਪੰਜਾਬੀ - ਰਹਣਾ; ਲਹਿੰਦੀ - ਰਹਣ; ਸਿੰਧੀ - ਰਹਣੁ (ਰਹਿਣਾ); ਅਪਭ੍ਰੰਸ਼ - ਰਹਇ; ਪ੍ਰਾਕ੍ਰਿਤ - ਰਹਇ; ਸੰਸਕ੍ਰਿਤ - ਰਹਤਿ (रहति - ਰਹਿੰਦਾ ਹੈ)।
ਫਧਿਓ
ਫਸਿਆ ਹੋਇਆ ਹਾਂ, ਖਚਿਤ ਹੋਇਆ ਪਿਆ ਹਾਂ।
ਵਿਆਕਰਣ: ਕਿਰਿਆ, ਭੂਤ ਕਾਲ; ਉਤਮ ਪੁਰਖ, ਪੁਲਿੰਗ, ਇਕਵਚਨ।
ਵਿਉਤਪਤੀ: ਬ੍ਰਜ - ਫੰਧ/ਫੰਧਾ (ਜਾਲ, ਫਾਹੀ); ਬੰਗਾਲੀ - ਫਾਂਧ (ਜਾਲ); ਅਵਧੀ - ਫਾਂਧ (ਜਾਲ, ਫਾਹੀ); ਸਿੰਧੀ - ਫਾਂਧੋ (ਫਾਹੀ, ਫਾਹੀ); ਸੰਸਕ੍ਰਿਤ - ਬੰਧ (बन्ध - ਜੋੜ, ਰੋਕਣਾ, ਹਿਰਾਸਤ)।
ਫਲ
ਫਲਾਂ ਵਿਚ।
ਵਿਆਕਰਣ: ਨਾਂਵ, ਅਧਿਕਰਣ ਕਾਰਕ; ਪੁਲਿੰਗ, ਬਹੁਵਚਨ।
ਵਿਉਤਪਤੀ: ਲਹਿੰਦੀ/ਰਾਜਸਥਾਨੀ/ਅਪਭ੍ਰੰਸ਼ - ਫਲ; ਪ੍ਰਾਕ੍ਰਿਤ/ਪਾਲੀ - ਫਲ (ਫਲ, ਸਿੱਟਾ); ਸੰਸਕ੍ਰਿਤ - ਫਲ (फल - ਫਲ, ਦਾਣਾ, ਫਲ ਦਾ ਬੀਜ)।
ਫਲ
ਫਲ; ਪਦਾਰਥ।
ਵਿਆਕਰਣ: ਨਾਂਵ, ਕਰਮ ਕਾਰਕ; ਪੁਲਿੰਗ, ਬਹੁਵਚਨ।
ਵਿਉਤਪਤੀ: ਲਹਿੰਦੀ/ਰਾਜਸਥਾਨੀ/ਅਪਭ੍ਰੰਸ਼ - ਫਲ; ਪ੍ਰਾਕ੍ਰਿਤ/ਪਾਲੀ - ਫਲ (ਫਲ, ਸਿੱਟਾ); ਸੰਸਕ੍ਰਿਤ - ਫਲ (फल - ਫਲ, ਦਾਣਾ, ਫਲ ਦਾ ਬੀਜ)।
ਫਲਗੁਣਿ
ਫੱਗਣ ਦੁਆਰਾ, ਦੇਸੀ ਸਾਲ ਦੇ ਬਾਰ੍ਹਵੇਂ ਮਹੀਨੇ ਫੱਗਣ ਦੁਆਰਾ।
ਵਿਆਕਰਣ: ਨਾਂਵ, ਕਰਣ ਕਾਰਕ; ਪੁਲਿੰਗ, ਇਕਵਚਨ।
ਵਿਉਤਪਤੀ: ਬ੍ਰਜ/ਸੰਸਕ੍ਰਿਤ - ਫਲ੍ਗੁਨ (फल्गुन - ਫਰਵਰੀ-ਮਾਰਚ ਦੇ ਸਮਾਨੰਤਰ ਹਿੰਦੂ ਚੰਦਰ-ਸਾਲ ਦਾ ਬਾਰ੍ਹਵਾਂ (ਅਖੀਰਲਾ) ਮਹੀਨਾ)।
ਫਲੁ
ਫਲ; ਸਿੱਟਾ, ਨਤੀਜਾ।
ਵਿਆਕਰਣ: ਨਾਂਵ, ਕਰਮ ਕਾਰਕ; ਪੁਲਿੰਗ, ਇਕਵਚਨ।
ਵਿਉਤਪਤੀ: ਲਹਿੰਦੀ/ਰਾਜਸਥਾਨੀ/ਅਪਭ੍ਰੰਸ਼ - ਫਲ; ਪ੍ਰਾਕ੍ਰਿਤ/ਪਾਲੀ - ਫਲ (ਫਲ, ਸਿੱਟਾ); ਸੰਸਕ੍ਰਿਤ - ਫਲ (फल - ਫਲ, ਦਾਣਾ, ਫਲ ਦਾ ਬੀਜ)।
ਫਲੁ
ਫਲ।
ਵਿਆਕਰਣ: ਨਾਂਵ, ਕਰਮ ਕਾਰਕ; ਪੁਲਿੰਗ, ਇਕਵਚਨ।
ਵਿਉਤਪਤੀ: ਪੁਰਾਤਨ ਪੰਜਾਬੀ - ਫਲੁ; ਲਹਿੰਦੀ/ਰਾਜਸਥਾਨੀ/ਅਪਭ੍ਰੰਸ਼ - ਫਲ (ਮੇਵਾ, ਲਾਭ, ਸਿੱਟਾ); ਪ੍ਰਾਕ੍ਰਿਤ/ਪਾਲੀ - ਫਲ; ਸੰਸਕ੍ਰਿਤ - ਫਲ (फल - ਰੁੱਖ ਦਾ ਫਲ, ਮੇਵਾ, ਸਿੱਟਾ)।
ਫਲੁ
ਫਲ; ਨਤੀਜਾ।
ਵਿਆਕਰਣ: ਨਾਂਵ, ਕਰਮ ਕਾਰਕ; ਪੁਲਿੰਗ, ਇਕਵਚਨ।
ਵਿਉਤਪਤੀ: ਪੁਰਾਤਨ ਪੰਜਾਬੀ - ਫਲੁ; ਲਹਿੰਦੀ/ਰਾਜਸਥਾਨੀ/ਅਪਭ੍ਰੰਸ਼ - ਫਲ (ਮੇਵਾ, ਲਾਭ, ਸਿੱਟਾ); ਪ੍ਰਾਕ੍ਰਿਤ/ਪਾਲੀ - ਫਲ; ਸੰਸਕ੍ਰਿਤ - ਫਲ (फल - ਦਰਖਤ ਦਾ ਫਲ, ਮੇਵਾ, ਸਿੱਟਾ)।
ਫਲੁ
ਫਲ।
ਵਿਆਕਰਣ: ਵਿਸ਼ੇਸ਼ਣ (ਸੁਆਮੀ ਦਾ), ਕਰਮ ਕਾਰਕ; ਪੁਲਿੰਗ, ਇਕਵਚਨ।
ਵਿਉਤਪਤੀ: ਪੁਰਾਤਨ ਪੰਜਾਬੀ - ਫਲੁ; ਲਹਿੰਦੀ/ਰਾਜਸਥਾਨੀ/ਅਪਭ੍ਰੰਸ਼ - ਫਲ (ਮੇਵਾ, ਲਾਭ, ਸਿੱਟਾ); ਪ੍ਰਾਕ੍ਰਿਤ/ਪਾਲੀ - ਫਲ; ਸੰਸਕ੍ਰਿਤ - ਫਲ (फल - ਦਰਖਤ ਦਾ ਫਲ, ਮੇਵਾ, ਸਿੱਟਾ)।
ਫਲੋਹਾਰ
ਫਲ+ਅਹਾਰ, ਫਲਾਂ ਦਾ ਅਹਾਰ, ਫਲਾਂ ਦਾ ਭੋਜਨ।
ਵਿਆਕਰਣ: ਨਾਂਵ, ਕਰਮ ਕਾਰਕ; ਪੁਲਿੰਗ, ਇਕਵਚਨ।
ਵਿਉਤਪਤੀ: ਪੁਰਾਤਨ ਪੰਜਾਬੀ/ਉੜੀਆ - ਫਲਾਹਾਰ; ਬ੍ਰਜ - ਫਲਾਰ/ਫਲਾਹਾਰੋ (ਫਲਾਂ ਦਾ ਅਹਾਰ); ਸੰਸਕ੍ਰਿਤ - ਫਲਾਹਾਰ (फलाहार - ਫਲਾਂ ਉੱਤੇ ਨਿਰਵਾਹ ਕਰਨਾ, ਫਲਾਂ ਦਾ ਭੋਜਨ)।
ਫਾਸ
ਫਾਸ/ਫਾਂਸੀ, ਫਾਹੀ।
ਵਿਆਕਰਣ: ਨਾਂਵ, ਕਰਮ ਕਾਰਕ; ਇਸਤਰੀ ਲਿੰਗ, ਇਕਵਚਨ।
ਵਿਉਤਪਤੀ: ਬ੍ਰਜ - ਫਾਂਸ/ਫਾਸ; ਪੁਰਾਤਨ ਪੰਜਾਬੀ/ਲਹਿੰਦੀ - ਫਾਹੀ (ਫੰਧਾ); ਸਿੰਧੀ - ਪਾਹੋ (ਫਾਹੀ ਵਾਲਾ ਰੱਸਾ), ਫਾਹੀ (ਫੰਧਾ, ਫਾਹੀ); ਸੰਸਕ੍ਰਿਤ - ਸ੍ਪਾਸ਼ (स्पाश - ਪੈਰਾਂ ਦੀ ਬੇੜੀ, ਫੰਧਾ)।
ਫਾਸਾ
ਫਾਸਾ ਹੈ, ਫਸਿਆ ਹੈ, ਫਸਿਆ ਹੋਇਆ ਹੈ।
ਵਿਆਕਰਣ: ਕਿਰਿਆ, ਭੂਤ ਕਾਲ; ਅਨ ਪੁਰਖ, ਪੁਲਿੰਗ, ਇਕਵਚਨ।
ਵਿਉਤਪਤੀ: ਰਾਜਸਥਾਨੀ - ਫਾਸੋ; ਬ੍ਰਜ - ਫਾਂਸਾ/ਫਾਸਾ (ਫਸਿਆ ਹੋਇਆ); ਸੰਸਕ੍ਰਿਤ - ਪਾਸ਼ਿਤ (पाशित - ਬੱਝਿਆ ਹੋਇਆ, ਜਾਲ ਵਿਚ ਫਸਿਆ ਹੋਇਆ)।
ਫਾਸੀ
ਫਾਹੀ।
ਵਿਆਕਰਣ: ਨਾਂਵ, ਕਰਤਾ ਕਾਰਕ; ਇਸਤਰੀ ਲਿੰਗ, ਇਕਵਚਨ।
ਵਿਉਤਪਤੀ: ਉੜੀਆ - ਫਾਸੀ (ਫਾਹੀ ਲੈ ਕੇ ਹੋਈ ਮੌਤ); ਪੁਰਾਤਨ ਪੰਜਾਬੀ/ਲਹਿੰਦੀ - ਫਾਹੀ (ਫੰਧਾ); ਸਿੰਧੀ - ਪਾਹੋ (ਫਾਹੀ ਵਾਲਾ ਰੱਸਾ), ਫਾਹੀ (ਫੰਧਾ, ਫਾਹੀ); ਸੰਸਕ੍ਰਿਤ - ਸ੍ਪਾਸ਼ (स्पाश - ਪੈਰਾਂ ਦੀ ਬੇੜੀ, ਫੰਧਾ)।
ਫਾਸੇ
ਫਾਹੇ, ਫੰਧੇ।
ਵਿਆਕਰਣ: ਨਾਂਵ, ਕਰਮ ਕਾਰਕ; ਪੁਲਿੰਗ, ਬਹੁਵਚਨ।
ਵਿਉਤਪਤੀ: ਉੜੀਆ - ਫਾਸੀ (ਫਾਹੀ ਲੈ ਕੇ ਹੋਈ ਮੌਤ); ਪੁਰਾਤਨ ਪੰਜਾਬੀ/ਲਹਿੰਦੀ - ਫਾਹੀ (ਫੰਧਾ); ਸਿੰਧੀ - ਪਾਹੋ (ਫਾਹੀ ਵਾਲਾ ਰੱਸਾ), ਫਾਹੀ (ਫੰਧਾ, ਫਾਹੀ); ਸੰਸਕ੍ਰਿਤ - ਸ੍ਪਾਸ਼ (स्पाश - ਪੈਰਾਂ ਦੀ ਬੇੜੀ, ਫੰਧਾ)।
ਫਾਹਾ
ਫਾਹਾ, ਫੰਧਾ।
ਵਿਆਕਰਣ: ਨਾਂਵ, ਕਰਤਾ ਕਾਰਕ; ਪੁਲਿੰਗ, ਇਕਵਚਨ।
ਵਿਉਤਪਤੀ: ਉੜੀਆ - ਫਾਸੀ (ਫਾਹੀ ਲੈ ਕੇ ਹੋਈ ਮੌਤ); ਪੁਰਾਤਨ ਪੰਜਾਬੀ/ਲਹਿੰਦੀ - ਫਾਹੀ (ਫੰਧਾ); ਸਿੰਧੀ - ਪਾਹੋ (ਫਾਹੀ ਵਾਲਾ ਰੱਸਾ), ਫਾਹੀ (ਫੰਧਾ, ਫਾਹੀ); ਸੰਸਕ੍ਰਿਤ - ਸ੍ਪਾਸ਼ (स्पाश - ਪੈਰਾਂ ਦੀ ਬੇੜੀ, ਫੰਧਾ)।
ਫਾਹੀ
ਫਾਹੀ ਵਿਚ, ਫਾਂਸੀ ਵਿਚ, ਫੰਧੇ ਵਿਚ।
ਵਿਆਕਰਣ: ਨਾਂਵ, ਅਧਿਕਰਣ ਕਾਰਕ; ਇਸਤਰੀ ਲਿੰਗ, ਇਕਵਚਨ।
ਵਿਉਤਪਤੀ: ਉੜੀਆ - ਫਾਸੀ (ਫਾਹੀ ਲੈ ਕੇ ਹੋਈ ਮੌਤ); ਪੁਰਾਤਨ ਪੰਜਾਬੀ/ਲਹਿੰਦੀ - ਫਾਹੀ (ਫੰਧਾ); ਸਿੰਧੀ - ਪਾਹੋ (ਫਾਹੀ ਵਾਲਾ ਰੱਸਾ), ਫਾਹੀ (ਫੰਧਾ, ਫਾਹੀ); ਸੰਸਕ੍ਰਿਤ - ਸ੍ਪਾਸ਼ (स्पाश - ਪੈਰਾਂ ਦੀ ਬੇੜੀ, ਫੰਧਾ)।
ਫਾਥਿਆ
ਫਾਥੇ+ਆ, ਫਾਥੇ ਹਨ, ਫਸੇ ਹੋਏ ਹਨ।
ਵਿਆਕਰਣ: ਕਿਰਿਆ, ਭੂਤ ਕਾਲ; ਅਨ ਪੁਰਖ, ਪੁਲਿੰਗ, ਬਹੁਵਚਨ।
ਵਿਉਤਪਤੀ: ਪੁਰਾਤਨ ਪੰਜਾਬੀ/ਲਹਿੰਦੀ - ਫਾਥਾ; ਸਿੰਧੀ - ਫਾਥੋ (ਫਸਿਆ ਹੋਇਆ); ਸੰਸਕ੍ਰਿਤ - ਪਾਸ਼ਿਤ (पाशित - ਬੱਝਿਆ ਹੋਇਆ, ਜਾਲ ਵਿਚ ਫਸਿਆ ਹੋਇਆ)।
ਫਿਕਾ
ਫਿਕਾ (ਬੋਲਣ ਵਾਲਾ ਮਨੁਖ), ਰੁਖਾ/ਖਰ੍ਹਵਾ (ਬੋਲਣ ਵਾਲਾ ਮਨੁਖ)।
ਵਿਆਕਰਣ: ਨਾਂਵ, ਕਰਮ ਕਾਰਕ; ਪੁਲਿੰਗ, ਇਕਵਚਨ।
ਵਿਉਤਪਤੀ: ਪੁਰਾਤਨ ਪੰਜਾਬੀ - ਫਿਕਾ/ਫਿਕੀ/ਫਿਕੇ/ਫਿਕੋ; ਲਹਿੰਦੀ - ਫਿੱਕਾ (ਸਵਾਦਹੀਨ); ਸਿੰਧੀ - ਫਿਕੋ (ਪੀਲਾ, ਫਿਕਾ); ਸੰਸਕ੍ਰਿਤ - ਫਿੱਕ (फिक्क - ਖਰਾਬ)।
ਫਿਕਾ
ਰੁਖਾ, ਅਸੱਭਿਅ।
ਵਿਆਕਰਣ: ਵਿਸ਼ੇਸ਼ਣ (ਫਿਕੋ ਦਾ), ਕਰਮ ਕਾਰਕ; ਪੁਲਿੰਗ, ਇਕਵਚਨ।
ਵਿਉਤਪਤੀ: ਪੁਰਾਤਨ ਪੰਜਾਬੀ - ਫਿਕਾ/ਫਿਕੀ/ਫਿਕੇ/ਫਿਕੋ; ਲਹਿੰਦੀ - ਫਿੱਕਾ (ਸਵਾਦਹੀਨ); ਸਿੰਧੀ - ਫਿਕੋ (ਸਵਾਦਹੀਨ); ਸੰਸਕ੍ਰਿਤ - ਫਿੱਕ (फिक्क - ਖਰਾਬ)।
ਫਿਕਾ
ਰੁਖਾ, ਬੇ-ਰਸਾ।
ਵਿਆਕਰਣ: ਵਿਸ਼ੇਸ਼ਣ (ਤਨੁ ਮਨੁ ਦਾ), ਕਰਮ ਕਾਰਕ; ਪੁਲਿੰਗ, ਇਕਵਚਨ।
ਵਿਉਤਪਤੀ: ਪੁਰਾਤਨ ਪੰਜਾਬੀ - ਫਿਕਾ/ਫਿਕੀ/ਫਿਕੇ/ਫਿਕੋ; ਲਹਿੰਦੀ - ਫਿੱਕਾ (ਸਵਾਦਹੀਨ); ਸਿੰਧੀ - ਫਿਕੋ (ਪੀਲਾ, ਫਿਕਾ); ਸੰਸਕ੍ਰਿਤ - ਫਿੱਕ (फिक्क - ਖਰਾਬ)।
ਫਿਕੇ
ਫਿਕੇ।
ਵਿਆਕਰਣ: ਵਿਸ਼ੇਸ਼ਣ (ਫਲ ਦਾ), ਕਰਤਾ ਕਾਰਕ; ਪੁਲਿੰਗ, ਬਹੁਵਚਨ।
ਵਿਉਤਪਤੀ: ਲਹਿੰਦੀ - ਫਿੱਕਾ; ਸਿੰਧੀ - ਫਿਕੋ (ਸਵਾਦਹੀਨ, ਫਿਕਾ); ਕਸ਼ਮੀਰੀ - ਫਿਰਿਕ (ਥੋਥਾ); ਸੰਸਕ੍ਰਿਤ - ਫਿੱਕ (फिक्क - ਦਾਗੀ, ਨੁਕਸਦਾਰ, ਅਪੂਰਨ)।
ਫਿਕੇ
ਫਿਕੇ ਦੀ, ਰੁਖਾ/ਖਰ੍ਹਵਾ (ਬੋਲਣ ਵਾਲੇ ਮਨੁਖ) ਦੀ।
ਵਿਆਕਰਣ: ਨਾਂਵ, ਸੰਬੰਧ ਕਾਰਕ; ਪੁਲਿੰਗ, ਇਕਵਚਨ।
ਵਿਉਤਪਤੀ: ਪੁਰਾਤਨ ਪੰਜਾਬੀ - ਫਿਕਾ/ਫਿਕੀ/ਫਿਕੇ/ਫਿਕੋ; ਲਹਿੰਦੀ - ਫਿੱਕਾ (ਸਵਾਦਹੀਨ); ਸਿੰਧੀ - ਫਿਕੋ (ਪੀਲਾ, ਫਿਕਾ); ਸੰਸਕ੍ਰਿਤ - ਫਿੱਕ (फिक्क - ਖਰਾਬ)।
ਫਿਕੇ
ਫਿਕੇ ਦੇ, ਰੁਖੇ/ਖਰ੍ਹਵੇ (ਬੋਲ ਬੋਲਣ ਵਾਲੇ ਵਿਅਕਤੀ) ਦੇ।
ਵਿਆਕਰਣ: ਨਾਂਵ, ਸੰਬੰਧ ਕਾਰਕ; ਪੁਲਿੰਗ, ਇਕਵਚਨ।
ਵਿਉਤਪਤੀ: ਪੁਰਾਤਨ ਪੰਜਾਬੀ - ਫਿਕਾ/ਫਿਕੀ/ਫਿਕੇ/ਫਿਕੋ; ਲਹਿੰਦੀ - ਫਿੱਕਾ (ਸਵਾਦਹੀਨ); ਸਿੰਧੀ - ਫਿਕੋ (ਪੀਲਾ, ਫਿਕਾ); ਸੰਸਕ੍ਰਿਤ - ਫਿੱਕ (फिक्क - ਖਰਾਬ)।
ਫਿਟੈ
ਫਿੱਟ ਜਾਏ, ਖਰਾਬ ਹੋ ਜਾਏ।
ਵਿਆਕਰਣ: ਕਿਰਿਆ, ਸੰਭਾਵ ਭਵਿਖਤ ਕਾਲ; ਅਨ ਪੁਰਖ, ਪੁਲਿੰਗ, ਇਕਵਚਨ।
ਵਿਉਤਪਤੀ: ਲਹਿੰਦੀ - ਫਿੱਟਣ (ਖਰਾਬ ਹੋਣਾ); ਸਿੰਧੀ - ਫਿਟਣੁ (ਖਰਾਬ ਹੋ ਜਾਂਦਾ ਹੈ, ਦਹੀ ਵਿਚ ਬਦਲ ਜਾਂਦਾ ਹੈ, ਝਗੜਦਾ ਹੈ); ਅਪਭ੍ਰੰਸ਼/ਪ੍ਰਾਕ੍ਰਿਤ - ਫਿੱਟਇ (ਡਿਗਦਾ ਹੈ, ਟੁੁੱਟਦਾ ਹੈ); ਸੰਸਕ੍ਰਿਤ - ਸ੍ਫਿਟਯਤਿ (स्फिटयति - ਸੱਟ ਮਾਰਦਾ ਹੈ)
ਫਿਟੈ
ਫਿੱਟੇ (ਤਨ) ਨਾਲ, ਅਪਵਿੱਤਰ (ਸਰੀਰ) ਨਾਲ।
ਵਿਆਕਰਣ: ਵਿਸ਼ੇਸ਼ਣ (ਤਨਿ ਦਾ), ਕਰਣ ਕਾਰਕ; ਪੁਲਿੰਗ, ਇਕਵਚਨ।
ਵਿਉਤਪਤੀ: ਲਹਿੰਦੀ - ਫਿੱਟਣ (ਖਰਾਬ ਹੋਣਾ); ਸਿੰਧੀ - ਫਿਟਣੁ (ਖਰਾਬ ਹੋ ਜਾਂਦਾ ਹੈ, ਦਹੀ ਵਿਚ ਬਦਲ ਜਾਂਦਾ ਹੈ, ਝਗੜਦਾ ਹੈ); ਅਪਭ੍ਰੰਸ਼/ਪ੍ਰਾਕ੍ਰਿਤ - ਫਿੱਟਇ (ਡਿਗਦਾ ਹੈ, ਟੁੁੱਟਦਾ ਹੈ); ਸੰਸਕ੍ਰਿਤ - ਸ੍ਫਿਟਯਤਿ (स्फिटयति - ਸੱਟ ਮਾਰਦਾ ਹੈ)
ਫਿਰਹਿ
ਫਿਰਦੇ ਹਨ (ਡਸਦੇ), (ਡੰਗ ਮਾਰਦੇ) ਫਿਰਦੇ ਹਨ।
ਵਿਆਕਰਣ: ਸੰਜੁਗਤ ਕਿਰਿਆ, ਵਰਤਮਾਨ ਕਾਲ; ਅਨ ਪੁਰਖ, ਪੁਲਿੰਗ, ਬਹੁਵਚਨ।
ਵਿਉਤਪਤੀ: ਪੁਰਾਤਨ ਪੰਜਾਬੀ/ਅਪਭ੍ਰੰਸ਼ - ਫਿਰਹਿ; ਪ੍ਰਾਕ੍ਰਿਤ - ਫਿਰੰਤ (ਫਿਰਦੇ ਹਨ); ਸੰਸਕ੍ਰਿਤ - ਫਿਰੰਤਿ/ਸ੍ਫਿਰੰਤਿ (फिरन्ति/स्फिरन्ति - ਫਿਰਦੇ ਹਨ, ਭਟਕਦੇ ਹਨ)।
ਫਿਰਹਿ
ਫਿਰਦਾ ਹੈਂ, ਭਉਂਦਾ ਹੈਂ, ਭਟਕਦਾ ਹੈਂ।
ਵਿਆਕਰਣ: ਕਿਰਿਆ, ਵਰਤਮਾਨ ਕਾਲ; ਮਧਮ ਪੁਰਖ, ਪੁਲਿੰਗ, ਇਕਵਚਨ।
ਵਿਉਤਪਤੀ: ਪੁਰਾਤਨ ਪੰਜਾਬੀ/ਅਪਭ੍ਰੰਸ਼ - ਫਿਰਹਿ; ਪ੍ਰਾਕ੍ਰਿਤ - ਫਿਰੰਤ (ਫਿਰਦੇ ਹਨ); ਸੰਸਕ੍ਰਿਤ - ਫਿਰੰਤਿ/ਸ੍ਫਿਰੰਤਿ (फिरन्ति/स्फिरन्ति - ਫਿਰਦੇ ਹਨ, ਭਟਕਦੇ ਹਨ)।
ਫਿਰਤੁ
ਫਿਰਦਾ ਹੈ, ਭਟਕਦਾ ਫਿਰਦਾ ਹੈ।
ਵਿਆਕਰਣ: ਸੰਜੁਕਤ ਕਿਰਿਆ, ਵਰਤਮਾਨ ਕਾਲ; ਅਨ ਪੁਰਖ, ਪੁਲਿੰਗ, ਇਕਵਚਨ।
ਵਿਉਤਪਤੀ: ਬ੍ਰਜ - ਫਿਰਤ (ਫਿਰਦਾ); ਸੰਸਕ੍ਰਿਤ - ਫਿਰਤਿ (फिरति - ਫਿਰਦਾ ਹੈ) + ਬ੍ਰਜ - ਹੈ; ਅਪਭ੍ਰੰਸ਼ - ਹਇ; ਪ੍ਰਾਕ੍ਰਿਤ - ਅਸਇ/ਅਹਇ; ਸੰਸਕ੍ਰਿਤ - ਅਸ੍ਤਿ (अस्ति - ਹੈ, ਹੋਣਾ)।
ਫਿਰਾਹਿ
ਫਿਰਾਏ ਜਾਂਦੇ ਹਨ, ਭਟਕਾਏ ਜਾਂਦੇ ਹਨ।
ਵਿਆਕਰਣ: ਕਿਰਿਆ, ਵਰਤਮਾਨ ਕਾਲ; ਅਨ ਪੁਰਖ, ਪੁਲਿੰਗ, ਬਹੁਵਚਨ।
ਵਿਉਤਪਤੀ: ਪੁਰਾਤਨ ਪੰਜਾਬੀ - ਫਿਰਾਹਿ; ਅਪਭ੍ਰੰਸ - ਫੇਰਾਵਇ (ਫਿਰਾਏ ਜਾਂਦੇ ਹਨ); ਪ੍ਰਾਕ੍ਰਿਤ - ਫੇਰਾਵਇ/ਫੇਰਣ; ਸੰਸਕ੍ਰਿਤ - ਫੇਰਯਤਿ (फेरयति - ਫੇਰਿਆ ਜਾਂਦਾ ਹੈ, ਮੋੜਿਆ ਜਾਂਦਾ ਹੈ, ਘੁੰਮਾਇਆ ਜਾਂਦਾ ਹੈ)।
ਫਿਰਿ
ਫਿਰ (ਗਈ ਹੈ)।
ਵਿਆਕਰਣ: ਸੰਜੁਗਤ ਕਿਰਿਆ, ਭੂਤ ਕਾਲ; ਅਨ ਪੁਰਖ, ਇਸਤਰੀ ਲਿੰਗ, ਇਕਵਚਨ।
ਵਿਉਤਪਤੀ: ਲਹਿੰਦੀ - ਫਿਰ (ਮੁੜਣਾ, ਬਾਅਦ, ਫਿਰ); ਬ੍ਰਜ - ਫਿਰਿ (ਫਿਰ, ਬਾਅਦ); ਦਰਦ ਭਾਸ਼ਾਵਾਂ - ਫਿਰਿ (ਘੁੰਮਣਘੇਰੀ); ਸੰਸਕ੍ਰਿਤ - ਫੇਰ (फेर - ਮੁੜਣਾ ਜਾਂ ਮੋੜਣਾ, ਘੁੰਮਾਉਣਾ)।
ਫਿਰਿ
ਫਿਰ ਕੇ, ਘੁੰਮ ਕੇ, ਭਟਕ ਕੇ।
ਵਿਆਕਰਣ: ਪੂਰਬ ਪੂਰਣ ਕਿਰਦੰਤ (ਕਿਰਿਆ ਵਿਸ਼ੇਸ਼ਣ)।
ਵਿਉਤਪਤੀ: ਲਹਿੰਦੀ - ਫਿਰ (ਮੁੜਣਾ, ਬਾਅਦ, ਫਿਰ); ਬ੍ਰਜ - ਫਿਰਿ (ਫਿਰ, ਬਾਅਦ); ਦਰਦ ਭਾਸ਼ਾਵਾਂ - ਫਿਰਿ (ਘੁੰਮਣਘੇਰੀ); ਸੰਸਕ੍ਰਿਤ - ਫੇਰ (फेर - ਮੁੜਣਾ ਜਾਂ ਮੋੜਣਾ, ਘੁੰਮਾਉਣਾ)।
ਫਿਰਿਓ
ਭਰਮਦਾ ਫਿਰਿਆ, ਭਟਕਦਾ ਰਿਹਾ।
ਵਿਆਕਰਣ: ਸੰਜੁਕਤ ਕਿਰਿਆ, ਭੂਤ ਕਾਲ; ਅਨ ਪੁਰਖ, ਪੁਲਿੰਗ, ਇਕਵਚਨ।
ਵਿਉਤਪਤੀ: ਗੜ੍ਹਵਾਲੀ/ਬ੍ਰਜ - ਭਰਮਤ (ਭਰਮਦਾ/ਭਟਕਦਾ ਹੈ); ਸੰਸਕ੍ਰਿਤ - ਭ੍ਰਮਤਿ (भ्रमति - ਭ੍ਰਮਦਾ ਹੈ, ਘੁੰਮਦਾ ਹੈ) + ਬ੍ਰਜ - ਫਿਰਿਓ (ਫਿਰਿਆ); ਪ੍ਰਾਕ੍ਰਿਤ - ਫਿਰਅਇ (ਜਾਂਦਾ ਹੈ, ਵਾਪਸ ਆਉਂਦਾ ਹੈ/ਮੁੜਦਾ ਹੈ); ਸੰਸਕ੍ਰਿਤ - ਫਿਰਤਿ* (फिरति - ਚਲਦਾ ਹੈ, ਭਟਕਦਾ ਹੈ, ਮੁੜਦਾ ਹੈ)।
ਫਿਰਿਓ
(ਖੋਜਦਾ) ਫਿਰਿਆ, (ਲਭਦਾ) ਫਿਰਿਆ।
ਵਿਆਕਰਣ: ਸੰਜੁਗਤ ਕਿਰਿਆ, ਭੂਤ ਕਾਲ; ਉਤਮ ਪੁਰਖ, ਪੁਲਿੰਗ, ਇਕਵਚਨ।
ਵਿਉਤਪਤੀ: ਪੁਰਾਤਨ ਪੰਜਾਬੀ - ਫਿਰਿਆ; ਬ੍ਰਜ - ਫਿਰਿਓ (ਫਿਰਿਆ); ਪ੍ਰਾਕ੍ਰਿਤ - ਫਿਰਅਇ (ਜਾਂਦਾ ਹੈ, ਵਾਪਸ ਆਉਂਦਾ ਹੈ/ਮੁੜਦਾ ਹੈ); ਸੰਸਕ੍ਰਿਤ - ਫਿਰਤਿ* (फिरति - ਚਲਦਾ ਹੈ, ਭਟਕਦਾ ਹੈ, ਮੁੜਦਾ ਹੈ)।
ਫਿਰੈ
ਫਿਰ ਸਕਦੀ, ਮੁੜ ਸਕਦੀ; ਟਲ ਸਕਦੀ।
ਵਿਆਕਰਣ: ਕਿਰਿਆ, ਸੰਭਾਵ ਭਵਿਖਤ ਕਾਲ; ਅਨ ਪੁਰਖ, ਇਸਤਰੀ ਲਿੰਗ, ਇਕਵਚਨ।
ਵਿਉਤਪਤੀ: ਪੁਰਾਤਨ ਪੰਜਾਬੀ/ਅਪਭ੍ਰੰਸ਼ - ਫਿਰੈ; ਪ੍ਰਾਕ੍ਰਿਤ - ਫਿਰਇ; ਸੰਸਕ੍ਰਿਤ - ਫਿਰਤਿ (फिरति - ਫਿਰਦਾ ਹੈ)।
ਫਿਰੈ
ਫਿਰਦੀ ਹੈ; ਵਿਚਰਦੀ ਹੈ।
ਵਿਆਕਰਣ: ਕਿਰਿਆ, ਵਰਤਮਾਨ ਕਾਲ; ਅਨ ਪੁਰਖ, ਇਸਤਰੀ ਲਿੰਗ, ਇਕਵਚਨ।
ਵਿਉਤਪਤੀ: ਪੁਰਾਤਨ ਪੰਜਾਬੀ/ਅਪਭ੍ਰੰਸ਼ - ਫਿਰੈ; ਪ੍ਰਾਕ੍ਰਿਤ - ਫਿਰਇ; ਸੰਸਕ੍ਰਿਤ - ਫਿਰਤਿ (फिरति - ਫਿਰਦਾ ਹੈ)।
ਫਿਰੈ
ਫਿਰਦਾ ਹੈ।
ਵਿਆਕਰਣ: ਕਿਰਿਆ, ਵਰਤਮਾਨ ਕਾਲ; ਅਨਪੁਰਖ, ਪੁਲਿੰਗ, ਇਕਵਚਨ।
ਵਿਉਤਪਤੀ: ਪੁਰਾਤਨ ਪੰਜਾਬੀ/ਅਪਭ੍ਰੰਸ਼ - ਫਿਰੈ; ਪ੍ਰਾਕ੍ਰਿਤ - ਫਿਰਇ; ਸੰਸਕ੍ਰਿਤ - ਫਿਰਤਿ (फिरति - ਫਿਰਦਾ ਹੈ)।
ਫਿਰੈ
ਫਿਰਦਾ, ਮੁੜਦਾ; ਟਲਦਾ।
ਵਿਆਕਰਣ: ਕਿਰਿਆ, ਵਰਤਮਾਨ ਕਾਲ; ਅਨ ਪੁਰਖ, ਪੁਲਿੰਗ, ਇਕਵਚਨ।
ਵਿਉਤਪਤੀ: ਪੁਰਾਤਨ ਪੰਜਾਬੀ/ਅਪਭ੍ਰੰਸ਼ - ਫਿਰੈ; ਪ੍ਰਾਕ੍ਰਿਤ - ਫਿਰਇ; ਸੰਸਕ੍ਰਿਤ - ਫਿਰਤਿ (फिरति - ਫਿਰਦਾ ਹੈ)।
ਫਿਰੈ
ਫਿਰਦਾ ਹੈ, ਘੁੰਮਦਾ ਹੈ।
ਵਿਆਕਰਣ: ਕਿਰਿਆ, ਵਰਤਮਾਨ ਕਾਲ; ਅਨ ਪੁਰਖ, ਪੁਲਿੰਗ, ਇਕਵਚਨ।
ਵਿਉਤਪਤੀ: ਪੁਰਾਤਨ ਪੰਜਾਬੀ/ਅਪਭ੍ਰੰਸ਼ - ਫਿਰੈ; ਪ੍ਰਾਕ੍ਰਿਤ - ਫਿਰਇ; ਸੰਸਕ੍ਰਿਤ - ਫਿਰਤਿ (फिरति - ਫਿਰਦਾ ਹੈ)।
ਫਿਰੈ
ਫਿਰਦਾ ਹੈ, ਫਿਰ ਰਿਹਾ ਹੈ।
ਵਿਆਕਰਣ: ਕਿਰਿਆ, ਵਰਤਮਾਨ ਕਾਲ; ਅਨ ਪੁਰਖ, ਪੁਲਿੰਗ, ਇਕਵਚਨ।
ਵਿਉਤਪਤੀ: ਪੁਰਾਤਨ ਪੰਜਾਬੀ/ਅਪਭ੍ਰੰਸ਼ - ਫਿਰੈ; ਪ੍ਰਾਕ੍ਰਿਤ - ਫਿਰਇ; ਸੰਸਕ੍ਰਿਤ - ਫਿਰਤਿ (फिरति - ਫਿਰਦਾ ਹੈ)।
ਫਿਰੈ
(ਭੁੱਲੀ) ਫਿਰਦੀ ਹੈ, (ਵਿਸਾਰੀ) ਫਿਰਦੀ ਹੈ।
ਵਿਆਕਰਣ: ਸੰਜੁਗਤ ਕਿਰਿਆ, ਵਰਤਮਾਨ ਕਾਲ; ਅਨ ਪੁਰਖ, ਇਸਤਰੀ ਲਿੰਗ, ਇਕਵਚਨ।
ਵਿਉਤਪਤੀ: ਪੁਰਾਤਨ ਪੰਜਾਬੀ/ਅਪਭ੍ਰੰਸ਼ - ਫਿਰੈ; ਪ੍ਰਾਕ੍ਰਿਤ - ਫਿਰਇ; ਸੰਸਕ੍ਰਿਤ - ਫਿਰਤਿ (फिरति - ਫਿਰਦਾ ਹੈ)।
ਫੁਰਮਾਇਆ
ਫੁਰਮਾਨ ਕੀਤਾ, ਹੁਕਮ ਕੀਤਾ।
ਵਿਆਕਰਣ: ਕਿਰਿਆ, ਭੂਤ ਕਾਲ; ਅਨ ਪੁਰਖ, ਪੁਲਿੰਗ, ਇਕਵਚਨ।
ਵਿਉਤਪਤੀ: ਪੁਰਾਤਨ ਪੰਜਾਬੀ - ਫੁਰਮਾਉਣਾ/ਫਰਮਾਉਣਾ/ਫਰਮਾਨਾ (ਨਿਰਦੇਸ਼ ਦੇਣਾ, ਦੱਸਣਾ); ਫ਼ਾਰਸੀ - ਫ਼ਰਮੂਦਨ (ਹੁਕਮ ਦੇਣਾ, ਫੁਰਮਾਉਣਾ)।
ਫੁਰਮਾਇਆ
ਫੁਰਮਾਇਆ ਹੈ, ਕਹਿਆ ਹੈ।
ਵਿਆਕਰਣ: ਕਿਰਿਆ, ਭੂਤ ਕਾਲ; ਅਨ ਪੁਰਖ, ਪੁਲਿੰਗ, ਇਕਵਚਨ।
ਵਿਉਤਪਤੀ: ਪੁਰਾਤਨ ਪੰਜਾਬੀ - ਫਰਮਾਉਣਾ/ਫੁਰਮਾਉਣਾ; ਲਹਿੰਦੀ - ਫਰਮਾਣਾ/ਫਰਮਾਉਣਾ; ਰਾਜਸਥਾਨੀ - ਫਰਮਾਣੋ/ਫੁਰਮਾਣੋ; ਬ੍ਰਜ - ਫਰਮਾ/ਫੁਰਮਾ; ਫ਼ਾਰਸੀ - ਫ਼ਰਮਾ/ਫ਼ਰਮੂਦਨ (فرمودن/فرما - ਹੁਕਮ ਦੇਣਾ, ਆਦੇਸ਼ ਦੇਣਾ)।
ਫੁਲ
ਫੁੱਲ, ਅਸਥ/ਅਸਥੀਆਂ।
ਵਿਆਕਰਣ: ਨਾਂਵ, ਕਰਮ ਕਾਰਕ; ਪੁਲਿੰਗ, ਬਹੁਵਚਨ।
ਵਿਉਤਪਤੀ: ਲਹਿੰਦੀ - ਫੁੱਲ; ਸਿੰਧੀ - ਫੁੱਲੁ; ਅਪਭ੍ਰੰਸ਼/ਪ੍ਰਾਕ੍ਰਿਤ/ਪਾਲੀ - ਫੁੱਲ (ਫੁੱਲ); ਸੰਸਕ੍ਰਿਤ - ਫੁੱਲ (फुल्ल - ਫੈਲਿਆ ਹੋਇਆ, ਫੁੱਲਾਂ ਦਾ ਖਿੜਾਅ)।
ਫੁਲੇ
ਫੁਲੇ ਹਨ, ਪ੍ਰਫੁਲਤ ਹੋ ਗਏ ਹਨ, ਖਿੜ ਪਏ ਹਨ।
ਵਿਆਕਰਣ: ਕਿਰਿਆ, ਭੂਤ ਕਾਲ; ਅਨ ਪੁਰਖ, ਪੁਲਿੰਗ, ਬਹੁਵਚਨ।
ਵਿਉਤਪਤੀ: ਪੁਰਾਤਨ ਪੰਜਾਬੀ - ਫੁਲਣਾ (ਫੁਲਣਾ); ਲਹਿੰਦੀ - ਫੁਲਣ; ਸਿੰਧੀ - ਫੁਲਣੁ (ਖਿੜਣਾ); ਅਪਭ੍ਰੰਸ਼/ਪ੍ਰਾਕ੍ਰਿਤ - ਫੁੱਲਇ; ਸੰਸਕ੍ਰਿਤ - ਫੁੱਲਤਿ (फुल्लति - ਫੈਲਦਾ ਹੈ, ਫੁਲ ਦੇ ਤੌਰ ਖੁਲ੍ਹਦਾ ਹੈ/ਖਿੜਦਾ ਹੈ)।
ਫੂਟੈ
ਫੁੱਟ ਜਾਂਦਾ ਹੈ, ਟੁੱਟ ਜਾਂਦਾ ਹੈ।
ਵਿਆਕਰਣ: ਕਿਰਿਆ, ਵਰਤਮਾਨ ਕਾਲ; ਅਨ ਪੁਰਖ, ਪੁਲਿੰਗ, ਇਕਵਚਨ।
ਵਿਉਤਪਤੀ: ਬ੍ਰਜ - ਫੁਟੈ/ਫੂਟੈ; ਅਪਭ੍ਰੰਸ਼ - ਫੁੱਟਇ (ਫਟਦਾ/ਪਾਟਦਾ ਹੈ, ਟੁਟਦਾ ਹੈ); ਪ੍ਰਾਕ੍ਰਿਤ - ਫੁੱਟਅਇ (ਫਟਦਾ/ਪਾਟਦਾ ਹੈ); ਸੰਸਕ੍ਰਿਤ - ਸਫੁਟਯਤਿ* (स्फुट्यति - ਫਟ/ਪਾਟ ਕੇ ਖੁੁੱਲ ਜਾਣਾ)।
ਫੂਲ
ਫੁੱਲ।
ਵਿਆਕਰਣ: ਨਾਂਵ, ਕਰਤਾ ਕਾਰਕ; ਪੁਲਿੰਗ, ਬਹੁਵਚਨ।
ਵਿਉਤਪਤੀ: ਭੋਜਪੁਰੀ/ਅਵਧੀ/ਬ੍ਰਜ - ਫੂਲ; ਲਹਿੰਦੀ - ਫੁੱਲ; ਸਿੰਧੀ - ਫੁੱਲੁ; ਅਪਭ੍ਰੰਸ਼/ਪ੍ਰਾਕ੍ਰਿਤ/ਪਾਲੀ - ਫੁੱਲ (ਫੁੱਲ); ਸੰਸਕ੍ਰਿਤ - ਫੁੱਲ (फुल्ल - ਫੈਲਿਆ ਹੋਇਆ, ਫੁੱਲਾਂ ਦਾ ਖਿੜਾਅ)।
ਫੇਰਿ
ਫੇਰ, ਫਿਰ, ਮੁੜ ਕੇ।
ਵਿਆਕਰਣ: ਕਿਰਿਆ ਵਿਸ਼ੇਸ਼ਣ।
ਵਿਉਤਪਤੀ: ਪੁਰਾਤਨ ਪੰਜਾਬੀ - ਫਿਰਿ/ਫੇਰਿ; ਲਹਿੰਦੀ - ਫਿਰ (ਮੁੜਣਾ, ਬਾਅਦ, ਫਿਰ)); ਬ੍ਰਜ - ਫਿਰਿ (ਫਿਰ, ਬਾਅਦ); ਦਰਦ ਭਾਸ਼ਾਵਾਂ - ਫਿਰਿ (ਘੁੰਮਣਘੇਰੀ); ਸੰਸਕ੍ਰਿਤ - ਫੇਰ (फेर - ਮੁੜਣਾ ਜਾਂ ਮੋੜਣਾ, ਘੁੰਮਾਉਣਾ)।
ਫੇਰੁ
ਫੇਰਾ, ਗੇੜਾ, ਚੱਕਰ।
ਵਿਆਕਰਣ: ਨਾਂਵ, ਕਰਮ ਕਾਰਕ; ਪੁਲਿੰਗ, ਇਕਵਚਨ।
ਵਿਉਤਪਤੀ: ਨੇਪਾਲੀ/ਪੁਰਾਤਨ ਪੰਜਾਬੀ - ਫੇਰਾ (ਗੋਲ ਚੱਕਰ); ਲਹਿੰਦੀ - ਫੇਰਾ (ਗੇੜਾ); ਸਿੰਧੀ - ਫੇਰੋ (ਗੋਲ ਚੱਕਰ); ਬ੍ਰਜ - ਫਿਰਿ (ਫਿਰ, ਬਾਅਦ); ਦਰਦ ਭਾਸ਼ਾਵਾਂ - ਫਿਰਿ (ਘੁੰਮਣਘੇਰੀ); ਸੰਸਕ੍ਰਿਤ - ਫੇਰ (फेर - ਮੁੜਣਾ ਜਾਂ ਮੋੜਣਾ, ਘੁੰਮਾਉਣਾ)।
ਫੇਰੁਆਣਿ
ਫੇਰੂ ਦੇ ਨੇ, ਫੇਰੂ ਦੇ (ਸਪੁੱਤਰ) ਨੇ, ਫੇਰੂ ਦੇ (ਸਪੁੱਤਰ ਗੁਰੂ ਅੰਗਦ ਸਾਹਿਬ) ਨੇ।
ਵਿਆਕਰਣ: ਨਾਂਵ, ਕਰਤਾ ਕਾਰਕ; ਪੁਲਿੰਗ, ਇਕਵਚਨ।
ਫੋਕਟ
ਫੋਕੇ, ਫਜ਼ੂਲ, ਬੇਅਰਥ।
ਵਿਆਕਰਣ: ਵਿਸ਼ੇਸ਼ਣ (ਕਰਮੰ ਦਾ), ਕਰਤਾ ਕਾਰਕ; ਪੁਲਿੰਗ, ਬਹੁਵਚਨ।
ਵਿਉਤਪਤੀ: ਪੁਰਾਤਨ ਪੰਜਾਬੀ - ਫੋਕਟ (ਫੋਕ/ਭੋਹ); ਸਿੰਧੀ - ਫੋਕਟੁ; ਬ੍ਰਜ - ਫੋਕਟ (ਬੇਕਾਰ); ਸੰਸਕ੍ਰਿਤ - ਫੋੱਕ (फोक्क - ਖੋਖਲਾ)।
ਫੋੜਿ
ਫੋੜਿਆ, ਤੋੜਿਆ, ਭੰਨਿਆ।
ਵਿਆਕਰਣ: ਕਿਰਿਆ, ਭੂਤ ਕਾਲ; ਅਨ ਪੁਰਖ, ਪੁਲਿੰਗ, ਇਕਵਚਨ।
ਵਿਉਤਪਤੀ: ਪੁਰਾਤਨ ਪੰਜਾਬੀ - ਫੁਟਣਾ (ਪਾਟਣਾ), ਫੋੜਨਾ (ਤੋੜਨਾ); ਲਹਿੰਦੀ - ਫੁੱਟਣ (ਪੁੰਗਰਨਾ); ਸਿੰਧੀ - ਫੁੱਟਣੁ (ਪਾਟਣਾ, ਤਿੜਕਣਾ); ਅਪਭ੍ਰੰਸ਼ - ਫੁੱਟਇ; ਪ੍ਰਾਕ੍ਰਿਤ - ਫੁੱਟਅਇ (ਪਾਟਦਾ ਹੈ); ਸੰਸਕ੍ਰਿਤ - ਸ੍ਫੁਟ੍ਯਤਿ* (स्फुट्यति - ਪਾਟ ਕੇ ਖੁੱਲਾ ਹੋਇਆ)।