ਡਸੰਤੇ
ਫਿਰਦੇ ਹਨ ਡਸਦੇ, ਡੰਗ ਮਾਰਦੇ ਫਿਰਦੇ ਹਨ।
ਵਿਆਕਰਣ: ਸੰਜੁਗਤ ਕਿਰਿਆ, ਵਰਤਮਾਨ ਕਾਲ; ਅਨ ਪੁਰਖ, ਪੁਲਿੰਗ, ਬਹੁਵਚਨ।
ਵਿਉਤਪਤੀ: ਬ੍ਰਜ - ਡਸਨਾ (ਡੰਗ); ਪੁਰਾਤਨ ਅਵਧੀ/ਪ੍ਰਾਕ੍ਰਿਤ - ਡਸਅਇ; ਪਾਲੀ - ਡਸਤਿ; ਸੰਸਕ੍ਰਿਤ - ਦਸ਼ਤਿ (दशति - ਵਢਦਾ/ਡੰਗ ਮਾਰਦਾ ਹੈ)।
ਡਗਮਗੇ
ਡਗਮਗਾਉਣ ਲੱਗ ਪਏ ਹਨ, ਥਿੜਕਣ ਲੱਗ ਪਏ ਹਨ।
ਵਿਆਕਰਣ: ਕਿਰਿਆ, ਭੂਤ ਕਾਲ; ਅਨ ਪੁਰਖ, ਪੁਲਿੰਗ, ਬਹੁਵਚਨ।
ਵਿਉਤਪਤੀ: ਬ੍ਰਜ - ਡਗਮਗੇ (ਡਗਮਗਾਉਂਦਾ ਹੈ, ਥਿੜਕਦਾ ਹੈ); ਅਪਭ੍ਰੰਸ਼ - ਡਗਮਗਿਯ; ਪ੍ਰਾਕ੍ਰਿਤ - ਡੱਗਮੱਗਿਯ (ਡਗਮਗਾਇਆ); ਸੰਸਕ੍ਰਿਤ - ਦ੍ਰਾਘਯਤਿ (द्राघयति - ਫੈਲਾਉਂਦਾ ਹੈ, ਵਿਸਥਾਰ ਕਰਦਾ ਹੈ)।
ਡਰ
ਡਰ ਦੇ।
ਵਿਆਕਰਣ: ਨਾਂਵ, ਸੰਬੰਧ ਕਾਰਕ; ਪੁਲਿੰਗ, ਇਕਵਚਨ।
ਵਿਉਤਪਤੀ: ਪੁਰਾਤਨ ਪੰਜਾਬੀ/ਲਹਿੰਦੀ/ਮੈਥਿਲੀ/ਮਰਾਠੀ/ਮਾਰਵਾੜੀ/ਬ੍ਰਜ - ਡਰ; ਸਿੰਧੀ - ਡਰੁ; ਅਪਭ੍ਰੰਸ਼/ਪ੍ਰਾਕ੍ਰਿਤ - ਡਰ; ਪਾਲੀ - ਦਰ (ਡਰ); ਸੰਸਕ੍ਰਿਤ - ਦਰ (दर - ਡਰ, ਦਹਿਸ਼ਤ)।
ਡਰ
ਡਰ (ਵਿਚ)।
ਵਿਆਕਰਣ: ਨਾਂਵ, ਅਧਿਕਰਣ ਕਾਰਕ; ਪੁਲਿੰਗ, ਇਕਵਚਨ।
ਵਿਉਤਪਤੀ: ਪੁਰਾਤਨ ਪੰਜਾਬੀ/ਲਹਿੰਦੀ/ਮੈਥਿਲੀ/ਮਰਾਠੀ/ਮਾਰਵਾੜੀ/ਬ੍ਰਜ - ਡਰ; ਸਿੰਧੀ - ਡਰੁ; ਅਪਭ੍ਰੰਸ਼/ਪ੍ਰਾਕ੍ਰਿਤ - ਡਰ; ਪਾਲੀ - ਦਰ (ਡਰ); ਸੰਸਕ੍ਰਿਤ - ਦਰ (दर - ਡਰ, ਦਹਿਸ਼ਤ)।
ਡਰਿ
ਡਰ ਸਦਕਾ।
ਵਿਆਕਰਣ: ਨਾਂਵ, ਕਰਣ ਕਾਰਕ; ਪੁਲਿੰਗ, ਇਕਵਚਨ।
ਵਿਉਤਪਤੀ: ਪੁਰਾਤਨ ਪੰਜਾਬੀ - ਡਰਣਾ (ਡਰਨਾ), ਡਰਾਉਣਾ (ਡਰਾਉਣਾ); ਲਹਿੰਦੀ - ਡਰਣ; ਸਿੰਧੀ - ਡਰਣੁ; ਕਸ਼ਮੀਰੀ - ਡਰੁਨ (ਡਰਨਾ); ਪ੍ਰਾਕ੍ਰਿਤ - ਡਰਇ (ਡਰਦਾ ਹੈ); ਸੰਸਕ੍ਰਿਤ - ਦਰਤਿ (दरति - ਡਰਿਆ ਹੋਇਆ ਹੈ)।
ਡਰੁ
ਡਰ ਨੂੰ, ਭੈ/ਭੈਅ ਨੂੰ।
ਵਿਆਕਰਣ: ਨਾਂਵ, ਕਰਮ ਕਾਰਕ; ਪੁਲਿੰਗ, ਇਕਵਚਨ।
ਵਿਉਤਪਤੀ: ਪੁਰਾਤਨ ਪੰਜਾਬੀ - ਡਰਣਾ (ਡਰਨਾ), ਡਰਾਉਣਾ (ਡਰਾਉਣਾ); ਲਹਿੰਦੀ - ਡਰਣ; ਸਿੰਧੀ - ਡਰਣੁ; ਕਸ਼ਮੀਰੀ - ਡਰੁਨ (ਡਰਨਾ); ਪ੍ਰਾਕ੍ਰਿਤ - ਡਰਇ (ਡਰਦਾ ਹੈ); ਸੰਸਕ੍ਰਿਤ - ਦਰਤਿ (दरति - ਡਰਿਆ ਹੋਇਆ ਹੈ)।
ਡਾਰਿ
ਡਾਲ (ਦੇ), ਗੇਰ (ਦੇ), ਸੁੱਟ (ਦੇ); ਛੱਡ (ਦੇ)।
ਵਿਆਕਰਣ: ਸੰਜੁਗਤ ਕਿਰਿਆ, ਹੁਕਮੀ ਭਵਿਖਤ ਕਾਲ; ਮਧਮ ਪੁਰਖ, ਪੁਲਿੰਗ, ਇਕਵਚਨ।
ਵਿਉਤਪਤੀ: ਪੁਰਾਤਨ ਪੰਜਾਬੀ - ਡਾਰਣਾ; ਬ੍ਰਜ - ਡਾਰਨਾ (ਸੁੱਟਣਾ, ਨਸ਼ਟ ਕਰਨਾ); ਪੁਰਾਤਨ ਅਵਧੀ - ਡਾਰਅਇ (ਸੁੱਟਦਾ ਹੈ, ਦੂਰ ਕਰਦਾ ਹੈ); ਪ੍ਰਾਕ੍ਰਿਤ - ਦਾਡਇ/ਡਾਰਇ/ਡਾਲਇ (ਸੁੱਟਦਾ ਹੈ); ਸੰਸਕ੍ਰਿਤ - ਦਾਲਯਤਿ (दालयति - ਕੱਟਦਾ ਹੈ, ਵੰਡਦਾ ਹੈ)।
ਡਾਰਿ
ਡਾਲ (ਦੇਣਾ ਹੈ), ਸੁਟ (ਦੇਣਾ ਹੈ), ਹਵਾਲੇ (ਕਰ ਦੇਣਾ ਹੈ।
ਵਿਆਕਰਣ: ਸੰਜੁਗਤ ਕਿਰਿਆ, ਸੰਭਾਵ ਭਵਿਖਤ ਕਾਲ; ਅਨ ਪੁਰਖ, ਪੁਲਿੰਗ, ਇਕਵਚਨ।
ਵਿਉਤਪਤੀ: ਪੁਰਾਤਨ ਪੰਜਾਬੀ - ਡਾਰਣਾ; ਬ੍ਰਜ - ਡਾਰਨਾ (ਸੁੱਟਣਾ, ਨਸ਼ਟ ਕਰਨਾ); ਪੁਰਾਤਨ ਅਵਧੀ - ਡਾਰਅਇ (ਸੁੱਟਦਾ ਹੈ, ਦੂਰ ਕਰਦਾ ਹੈ); ਪ੍ਰਾਕ੍ਰਿਤ - ਦਾਡਇ/ਡਾਰਇ/ਡਾਲਇ (ਸੁੱਟਦਾ ਹੈ); ਸੰਸਕ੍ਰਿਤ - ਦਾਲਯਤਿ (दालयति - ਕੱਟਦਾ ਹੈ, ਵੰਡਦਾ ਹੈ)।
ਡਾਰੇ
(ਕਰ) ਸੁਟਦਾ ਹੈ, (ਕਰ) ਦਿੰਦਾ ਹੈ।
ਵਿਆਕਰਣ: ਸੰਜੁਕਤ ਕਿਰਿਆ, ਵਰਤਮਾਨ ਕਾਲ; ਅਨ ਪੁਰਖ, ਪੁਲਿੰਗ, ਇਕਵਚਨ
ਵਿਉਤਪਤੀ: ਪੁਰਾਤਨ ਪੰਜਾਬੀ - ਡਾਰਣਾ; ਬ੍ਰਜ - ਡਾਰਨਾ (ਸੁੱਟਣਾ, ਨਸ਼ਟ ਕਰਨਾ); ਪੁਰਾਤਨ ਅਵਧੀ - ਡਾਰਅਇ (ਸੁੱਟਦਾ ਹੈ, ਦੂਰ ਕਰਦਾ ਹੈ); ਪ੍ਰਾਕ੍ਰਿਤ - ਦਾਡਇ/ਡਾਰਇ/ਡਾਲਇ (ਸੁੱਟਦਾ ਹੈ); ਸੰਸਕ੍ਰਿਤ - ਦਾਲਯਤਿ (दालयति - ਕੱਟਦਾ ਹੈ, ਵੰਡਦਾ ਹੈ)
ਡਾਲੀ
(ਸੈਂਕੜੇ) ਡਾਲੀਆਂ ਵਾਲਾ, (ਸੈਂਕੜੇ) ਟਾਹਣੀਆਂ ਵਾਲਾ; (ਸੈਂਕੜੇ) ਸੰਗਤਾਂ ਵਾਲਾ।
ਵਿਆਕਰਣ: ਵਿਸ਼ੇਸ਼ਣ (ਨਾਨਕੁ ਦਾ), ਕਰਤਾ ਕਾਰਕ; ਪੁਲਿੰਗ, ਇਕਵਚਨ।
ਵਿਉਤਪਤੀ: ਗੁਜਰਾਤੀ/ਬ੍ਰਜ/ਪੁਰਾਤਨ ਪੰਜਾਬੀ - ਡਾਲੀ (ਟਾਹਣੀ); ਸਿੰਧੀ - ਡਾਰੁ (ਵੱਡਾ ਟਾਹਣ), ਡਾਰੀ (ਟਾਹਣੀ); ਪ੍ਰਾਕ੍ਰਿਤ - ਡਾਲ; ਸੰਸਕ੍ਰਿਤ - ਡਾਲ (डाल - ਟਾਹਣੀ)।
ਡਿਠੇ
ਡਿਠੇ ਹਨ, ਦੇਖੇ ਹਨ।
ਵਿਆਕਰਣ: ਕਿਰਿਆ, ਭੂਤ ਕਾਲ; ਉਤਮ ਪੁਰਖ, ਪੁਲਿੰਗ, ਬਹੁਵਚਨ।
ਵਿਉਤਪਤੀ: ਲਹਿੰਦੀ - ਡਿੱਠਾ; ਸਿੰਧੀ - ਡਿਠੋ; ਪ੍ਰਾਕ੍ਰਿਤ/ਪਾਲੀ - ਦਿਟ੍ਠ; ਸੰਸਕ੍ਰਿਤ - ਦ੍ਰਿਸ਼੍ਟ੍ (दृष्ट् - ਦੇਖਿਆ)।
ਡਿਠੋ
ਡਿਠਾ, ਦੇਖਿਆ।
ਵਿਆਕਰਣ: ਕਿਰਿਆ, ਭੂਤ ਕਾਲ; ਮਧਮ ਪੁਰਖ, ਪੁਲਿੰਗ, ਇਕਵਚਨ।
ਵਿਉਤਪਤੀ: ਸਿੰਧੀ - ਡਿਠੋ (ਦੇਖਿਆ); ਅਪਭ੍ਰੰਸ਼ - ਦਿਟ੍ਠ; ਪ੍ਰਾਕ੍ਰਿਤ - ਦਿਟ੍ਠ/ਦੇਟ੍ਠ; ਪਾਲੀ - ਦਿਟ੍ਠ; ਸੰਸਕ੍ਰਿਤ - ਦ੍ਰਿਸ਼੍ਟ੍ (दृष्ट - ਦੇਖਿਆ)।
ਡੀਠਾ
ਡਿਠਾ ਹੈ, ਵੇਖਿਆ ਹੈ।
ਵਿਆਕਰਣ: ਕਿਰਿਆ, ਭੂਤ ਕਾਲ; ਉਤਮ ਪੁਰਖ, ਪੁਲਿੰਗ, ਇਕਵਚਨ।
ਵਿਉਤਪਤੀ: ਲਹਿੰਦੀ - ਡਿੱਠਾ; ਸਿੰਧੀ - ਡਿਠੋ; ਪ੍ਰਾਕ੍ਰਿਤ/ਪਾਲੀ - ਦਿਟ੍ਠ; ਸੰਸਕ੍ਰਿਤ - ਦ੍ਰਿਸ਼ਟ (दृष्ट् - ਦੇਖਿਆ)।
ਡੀਠਾ
ਡਿਠਾ (ਹੋਵੇ), ਵੇਖਿਆ (ਹੋਵੇ)।
ਵਿਆਕਰਣ: ਸੰਜੁਗਤ ਕਿਰਿਆ, ਭੂਤ ਕਾਲ; ਅਨ ਪੁਰਖ, ਪੁਲਿੰਗ, ਇਕਵਚਨ।
ਵਿਉਤਪਤੀ: ਲਹਿੰਦੀ - ਡਿੱਠਾ; ਸਿੰਧੀ - ਡਿਠੋ; ਪ੍ਰਾਕ੍ਰਿਤ/ਪਾਲੀ - ਦਿਟ੍ਠ; ਸੰਸਕ੍ਰਿਤ - ਦ੍ਰਿਸ਼ਟ (दृष्ट् - ਦੇਖਿਆ)।
ਡੁਬੇ
ਡੁਬ ਗਏ।
ਵਿਆਕਰਣ: ਕਿਰਿਆ, ਭੂਤ ਕਾਲ; ਅਨ ਪੁਰਖ, ਪੁਲਿੰਗ, ਬਹੁਵਚਨ।
ਵਿਉਤਪਤੀ: ਲਹਿੰਦੀ - ਡੁਬਣਾ; ਕਸ਼ਮੀਰੀ - ਡੁਬੁਨ; ਅਪਭ੍ਰੰਸ਼ - ਡੁੱਬ (ਡੁਬਣਾ); ਸੰਸਕ੍ਰਿਤ - ਡੁੱਬ (डुब्ब - ਡੁੱਬਣਾ, ਡਿਗਣਾ, ਢਲਣਾ)।
ਡੁਬੋਹੁ
ਡੁੱਬਿਆ ਹੈਂ, ਡੁੱਬ ਗਿਆ ਹੈਂ।
ਵਿਆਕਰਣ: ਕਿਰਿਆ, ਭੂਤ ਕਾਲ; ਮਧਮ ਪੁਰਖ, ਪੁਲਿੰਗ, ਇਕਵਚਨ।
ਵਿਉਤਪਤੀ: ਲਹਿੰਦੀ - ਡੁਬਣਾ; ਕਸ਼ਮੀਰੀ - ਡੁਬੁਨ; ਅਪਭ੍ਰੰਸ਼ - ਡੁੱਬ (ਡੁਬਣਾ); ਸੰਸਕ੍ਰਿਤ - ਡੁੱਬ (डुब्ब - ਡੁੱਬਣਾ, ਡਿਗਣਾ, ਢਲਣਾ)।
ਡੁੰਮਣੀ
ਡੁੰ-ਮਣੀ, ਦੋ-ਮਨੀ, ਦੋ ਮਨਾਂ ਵਾਲੀ, ਦੋ-ਚਿੱਤੀ, ਦੁਵਿਧਾ ਵਿਚ ਭਟਕਣ ਵਾਲੀ; ਉਦਾਸ, ਗਮਗੀਨ।
ਵਿਆਕਰਣ: ਨਾਂਵ, ਕਰਤਾ ਕਾਰਕ; ਇਸਤਰੀ ਲਿੰਗ, ਇਕਵਚਨ।
ਵਿਉਤਪਤੀ: ਲਹਿੰਦੀ - ਡੁੰਮਣਾ (ਦੋ ਮਨਾਂ ਵਾਲਾ), ਡੁੰਮਣੀ (ਦੋ ਮਨਾਂ ਵਾਲੀ); ਸੰਸਕ੍ਰਿਤ - ਦਵ+ਮਨਸ੍ (दव+मनस् - ਦੋ ਮਨ)।
ਡੂਬਿ
ਡੁੱਬ (ਮੋਇਆ ਹੈਂ), ਡੁੱਬ (ਮਰਿਆ ਹੈਂ)।
ਵਿਆਕਰਣ: ਸੰਜੁਗਤ ਕਿਰਿਆ, ਭੂਤ ਕਾਲ; ਮਧਮ ਪੁਰਖ, ਪੁਲਿੰਗ, ਇਕਵਚਨ।
ਵਿਉਤਪਤੀ: ਬ੍ਰਜ - ਡੂਬਨਾ; ਲਹਿੰਦੀ - ਡੁਬਣਾ; ਕਸ਼ਮੀਰੀ - ਡੁਬੁਨ; ਅਪਭ੍ਰੰਸ਼ - ਡੁੱਬ (ਡੁਬਣਾ); ਸੰਸਕ੍ਰਿਤ - ਡੁੱਬ (डुब्ब - ਡੁਬਣਾ, ਡਿਗਣਾ, ਢਲਣਾ)।
ਡੇਖਣਹਾਰੁ
ਦੇਖਣਹਾਰ ਨੂੰ; ਦੇਖਭਾਲ/ਸਾਂਭ-ਸੰਭਾਲ ਕਰਨ ਵਾਲੇ ਨੂੰ, ਪ੍ਰਭੂ ਨੂੰ।
ਵਿਆਕਰਣ: ਨਾਂਵ, ਕਰਮ ਕਾਰਕ; ਪੁਲਿੰਗ, ਇਕਵਚਨ।
ਵਿਉਤਪਤੀ: ਪੁਰਾਤਨ ਪੰਜਾਬੀ - ਦੇਖਣਾ; ਲਹਿੰਦੀ - ਡੇਖਣੁ; ਸਿੰਧੀ - ਡੇਖਣੁ; ਦਰਦ ਭਾਸ਼ਾਵਾਂ - ਦੇਕ (ਦੇਖਣਾ); ਸੰਸਕ੍ਰਿਤ - ਦੇਕ੍ਸ਼ਤਿ (देक्षति - ਦੇਖਦਾ ਹੈ) + ਪੁਰਾਤਨ ਪੰਜਾਬੀ - ਹਾਰ; ਸੰਸਕ੍ਰਿਤ - ਕਾਰ (कार - ਕਰਨ ਵਾਲਾ)।
ਡੇਖੈ
ਦੇਖੈ, ਦੇਖਦਾ ਹੈ।
ਵਿਆਕਰਣ: ਕਿਰਿਆ, ਵਰਤਮਾਨ ਕਾਲ; ਅਨ ਪੁਰਖ, ਪੁਲਿੰਗ, ਇਕਵਚਨ।
ਵਿਉਤਪਤੀ: ਪੁਰਾਤਨ ਪੰਜਾਬੀ - ਦੇਖਣਾ; ਲਹਿੰਦੀ - ਡੇਖਣੁ; ਸਿੰਧੀ - ਡੇਖਣੁ; ਦਰਦ ਭਾਸ਼ਾਵਾਂ - ਦੇਕ (ਦੇਖਣਾ); ਸੰਸਕ੍ਰਿਤ - ਦੇਕ੍ਸ਼ਤਿ (देक्षति - ਦੇਖਦਾ ਹੈ)।
ਡੋਹਾਗਣੀ
ਦੁਹਾਗਣ, ਛੁਟੜ ਇਸਤਰੀ।
ਵਿਆਕਰਣ: ਨਾਂਵ, ਕਰਤਾ ਕਾਰਕ; ਇਸਤਰੀ ਲਿੰਗ, ਇਕਵਚਨ।
ਵਿਉਤਪਤੀ: ਪੁਰਾਤਨ ਪੰਜਾਬੀ - ਦੁਹਾਗੀ/ਦੁਹਾਗਣ/ਦੋਹਾਗਣ/ਦੋਹਾਗਣੀ; ਗੁਜਰਾਤੀ - ਦੁਹਾਗੀ/ਦੁਹਾਗਣ; ਲਹਿੰਦੀ - ਡੁਹਾਗੀ/ਡੁਹਾਗਣ; ਸਿੰਧੀ - ਡੁਹਾਗੁ (ਪਤੀ ਦੇ ਪਿਆਰ ਦੀ ਕਮੀ ਜਾਂ ਘਾਟ), ਡੁਹਾਗਿਣੀ (ਪਤੀ ਦਾ ਪਿਆਰ ਗੁਆ ਚੁੱਕੀ ਪਤਨੀ, ਵਿਧਵਾ); ਪ੍ਰਾਕ੍ਰਿਤ - ਦੂਭਾੱਗ; ਪਾਲੀ - ਦੋਬ੍ਭਾੱਗ; ਸੰਸਕ੍ਰਿਤ - ਦੌਰ੍ਭਾਗ੍ਯ (दौर्भाग्य - ਆਪਣੇ ਪਤੀ ਦੁਆਰਾ ਨਾਪਸੰਦ ਔਰਤ ਦੀ ਨਾਖੁਸ਼ੀ/ਦੁਖ; ਦੁਰਭਾਗ/ਬਦਕਿਸਮਤੀ)।
ਡੋਹਾਗਣੀ
ਦੁਹਾਗਣਾਂ, ਛੁਟੜ ਇਸਤਰੀਆਂ।
ਵਿਆਕਰਣ: ਨਾਂਵ, ਕਰਤਾ ਕਾਰਕ; ਇਸਤਰੀ ਲਿੰਗ, ਬਹੁਵਚਨ।
ਵਿਉਤਪਤੀ: ਪੁਰਾਤਨ ਪੰਜਾਬੀ - ਦੁਹਾਗੀ/ਦੁਹਾਗਣ/ਦੋਹਾਗਣ/ਦੋਹਾਗਣੀ; ਗੁਜਰਾਤੀ - ਦੁਹਾਗੀ/ਦੁਹਾਗਣ; ਲਹਿੰਦੀ - ਡੁਹਾਗੀ/ਡੁਹਾਗਣ; ਸਿੰਧੀ - ਡੁਹਾਗੁ (ਪਤੀ ਦੇ ਪਿਆਰ ਦੀ ਕਮੀ ਜਾਂ ਘਾਟ), ਡੁਹਾਗਿਣੀ (ਪਤੀ ਦਾ ਪਿਆਰ ਗੁਆ ਚੁੱਕੀ ਪਤਨੀ, ਵਿਧਵਾ); ਪ੍ਰਾਕ੍ਰਿਤ - ਦੂਭਾੱਗ; ਪਾਲੀ - ਦੋਬ੍ਭਾੱਗ; ਸੰਸਕ੍ਰਿਤ - ਦੌਰ੍ਭਾਗ੍ਯ (दौर्भाग्य - ਆਪਣੇ ਪਤੀ ਦੁਆਰਾ ਨਾਪਸੰਦ ਔਰਤ ਦੀ ਨਾਖੁਸ਼ੀ/ਦੁਖ; ਦੁਰਭਾਗ/ਬਦਕਿਸਮਤੀ)।
ਡੋਲਤ
ਡੋਲਦਾ ਹੈ, ਡੋਲਦਾ ਫਿਰਦਾ ਹੈ, ਭਟਕਦਾ ਹੈ।
ਵਿਆਕਰਣ: ਕਿਰਿਆ, ਵਰਤਮਾਨ ਕਾਲ; ਅਨ ਪੁਰਖ, ਪੁਲਿੰਗ, ਇਕਵਚਨ।
ਵਿਉਤਪਤੀ: ਬ੍ਰਜ/ਅਪਭ੍ਰੰਸ਼ - ਡੋਲਤ (ਹਿਲਾਇਆ, ਲਹਿਰਾਇਆ); ਪ੍ਰਾਕ੍ਰਿਤ - ਡੋਲਅਇ/ਦੋਲਅਇ (ਹਿਲਾਉਂਦਾ ਹੈ); ਸੰਸਕ੍ਰਿਤ - ਦੋਲਯਤਿ (दोलयति - ਝੂਲਦਾ ਹੈ)।
ਡੋਲਤ
ਡੋਲਦਾ ਹੈਂ।
ਵਿਆਕਰਣ: ਕਿਰਿਆ, ਵਰਤਮਾਨ ਕਾਲ; ਮਧਮ ਪੁਰਖ, ਪੁਲਿੰਗ, ਇਕਵਚਨ।
ਵਿਉਤਪਤੀ: ਬ੍ਰਜ/ਅਪਭ੍ਰੰਸ਼ - ਡੋਲਤ (ਹਿਲਾਇਆ ਹੋਇਆ, ਡੋਲਿਆ ਹੋਇਆ); ਪ੍ਰਾਕ੍ਰਿਤ - ਡੋਲਅਇ/ਦੋਲਅਇ (ਹਿਲਾਉਂਦਾ ਹੈ); ਸੰਸਕ੍ਰਿਤ - ਦੋਲਯਤਿ (दोलयति - ਝੂਲਦਾ ਹੈ)।
ਡੋਲਤ
ਡੋਲਦਾ ਹੈ, ਡੋਲਦਾ ਫਿਰਦਾ ਹੈ, ਭਟਕਦਾ ਫਿਰਦਾ ਹੈ।
ਵਿਆਕਰਣ: ਕਿਰਿਆ, ਵਰਤਮਾਨ ਕਾਲ; ਅਨ ਪੁਰਖ, ਪੁਲਿੰਗ, ਇਕਵਚਨ।
ਵਿਉਤਪਤੀ: ਬ੍ਰਜ/ਅਪਭ੍ਰੰਸ਼ - ਡੋਲਤ (ਹਿਲਾਇਆ, ਲਹਿਰਾਇਆ); ਪ੍ਰਾਕ੍ਰਿਤ - ਡੋਲਅਇ/ਦੋਲਅਇ (ਹਿਲਾਉਂਦਾ ਹੈ); ਸੰਸਕ੍ਰਿਤ - ਦੋਲਯਤਿ (दोलयति - ਝੂਲਦਾ ਹੈ)।
ਡੋਲੈ
(ਪਰਿਆ/ਪਿਆ) ਡੋਲਦਾ ਹੈ, (ਪਰਿਆ/ਪਿਆ) ਫਿਰਦਾ ਹੈ।
ਵਿਆਕਰਣ: ਸੰਜੁਗਤ ਕਿਰਿਆ, ਵਰਤਮਾਨ ਕਾਲ; ਅਨ ਪੁਰਖ, ਪੁਲਿੰਗ, ਇਕਵਚਨ।
ਵਿਉਤਪਤੀ: ਬ੍ਰਜ - ਡੋਲਨਾ (ਝੂਲਣਾ); ਸਿੰਧੀ - ਡੋਰਣੁ (ਖੋਜ ਵਿਚ ਭਟਕਣਾ); ਪ੍ਰਾਕ੍ਰਿਤ - ਡੋਲੰਤ (ਹਿਲਣਾ); ਪਾਲੀ - ਦੋਲਾਯਤਿ (ਝੂਲਦਾ ਹੈ); ਸੰਸਕ੍ਰਿਤ - ਦੋਲਾਯਤੇ (दोलायते - ਇਧਰ ਓਧਰ ਹਿਲਦਾ ਹੈ)।